Fy enw i yw Siôn

wrth eistedd yma, yn bwyta hufen ia, dwi'n gallu cofio pa mor gwahanol roedd popeth tua 2 flynedd yn ôl. roedd jack yn mynd allan gyda pippa, ac roeddwn i yng nghanol 2 grwp o ffrindiau. roedd yna amseroedd da, ac roeddwn i'n eitha agos i bobl nad ydw i'n agos i nawr. a dyna beth sy'n gwneud pethau'n mor od. y ffaith fod pawb 'di newid cymaint ers yr amser hynny. a nawr dwi'n cyrraedd yr un lle ag arfer, pan dwi methu dweud unrhywbeth arall: dydw i ddim yn gallu. dim syniad pam, ond mae'r geiriau yn fy ngadael.

dwi'n colli'r amseroedd yna weithiau. ond dyna ni. job done, ac mae pawb 'di symud ymlaen.

mae 'Because Of The Times' wastad yn profi ei hunan i fod yn un o fy hoff albyms. mae'r caneuon yn totally under-rated.

i fod yn onest, dydw i ddim wir yn teimlo lan i wneud y drafft hanes, neu mynd i'r ysgol in general. dwi eisiau Gwener i ddod yn sharpish. mae'r gem yn erbyn Leinster ar nos Wener. dwi eisiau mynd rhedeg trwy strydoedd Caerdydd yn y nos eto, gan cicio'r pel rygbi at bysiau a cael rory'n rhedeg ymlaen o geir i sgorio ceisiau. a wedyn gweld dale ac huw yn gwilio o'r ochr arall o'r heol. roedd y noson yna'n gret.

wnes i fynd nol ar EIH, a dyna yw'r rheswm dros y rhan gyntaf o'm mhlog. ond, mae gen i newyddion annaearol. dwi'n mynd i weld Arcade Fire, y band mwyaf special yn fy mywyd, yn chwarae yng Nghaerdydd, fy hoff dinas yn y byd, ar y 30fed o Hydref. angrhedadwy, dwi'n gwybod. dwi'n definitely mynd i fod ar flaen y dorf, reit lan ar bwys y railings. mae'u caneuon nhw'n olygu cymaint i mi, mae'n anodd dweud. fantastig. methu aros.

chi'n gwybod beth, mae'n hen amser i mi dechrau gorffen fy drafft hanesyddol hollbwysig. crap. mae gen i ABCh yfori. mae'n crap. gret.

o, mae'r band yn chwarae yng Nghlwb Ifor Bach eto, ar y pumed ar hugain o Hydref, 2007.

Dwi'n mynd i ddechrau bant gan ymddiheirio am fy Nghymraeg cyn i mi dechrau'n iawn: mae'n mynd i fod yn eitha wael ar rhai adegau.

Wel, dyma fi efo fy mlog newydd. Wnes i gael un o'r blaen, ar Blogger, ond mi wnes i anghofio'r manylion personol felly mae yna blog a oedd yn berchen i mi, yn hongian o gwmpas cyberspace.

Fodd bynnag, dyma dechreuad newydd i mi o ran blogio. Wnai trio fy ngorau i gadw lan efo updates, ond sai'n addo dim.

Mae'r band 'di newid. Rydym wedi gadael Pippa, ac rydym nawr efo Owen fel ein frontman. Ac hefyd, mae yna sôn efallai bydden ni'n chwarae yng Nghlwb Ifor Bach eto, ac mi fydd pob un ohonom lan am hynny.

Y gig nesa' yw parti Kathleen, yng Nghlwb Rygbi Llanilltud Fawr, a dwi'n edrych ymlaen at hynny. Dwi'n benderfynol o wneud Standing In The Way Of Control, efo Owen yn cael Beth Ditto-moment ar y stage. Ond dydyn ni heb penderfynu am ba ganeuon eraill i wneud.

O ran career fy hun, wnes i recordio fersiwn o Fuck Forever gan y Babyshambles, a dwi'n eitha hapus efo hi, ond i mi colli allan rhan o'r cytgan cyntaf. A dwi dal eisiau rhywun i ganu ar rhai o'r ganeuon. Ongoing struggle.

Wel, well i mi gysgu nawr, oherwydd mae gen i ymarfer rygbi efo Sili ("Sully") yfori.

Nodyn fach gyflym am yr Australians. Roedden nhw'n grêt. Mi wnes i fwynhau siarad efo nhw, ac doedd dim un sefylla a oedd yn socially awkward: result.

Iawn, hwyl fawr am nawr. Dwi'n teimlo'n eitha Gogi, am ryw rheswm.

Nos dâ,

Siôn